Babysang på Elnesvågen bedehus er eit av dei faste tiltaka vi har. Vi har eit kurs på haust og eit på vinter/vår. Målgruppa er barn i alderen 0-12 mnd. Du og babyen din er hjarteleg velkomne - om du er mor eller far eller besteforelder.
Kva er babysang?
Vi syng og leiker med rim og rytme for og saman med babyen. Her kan du få friske opp igjen songar, regler og bøner du hugsar frå barndommen, lære nye, og få tips om korleis du kan bruke song og musikk i kvardagen med barna dine.
Kvifor skal de vere med på babysong?
- Gjennom rytme, song og musikk blir heile mennesket engasjert, og ein skapar gode augneblink saman med barnet.
- Du treff andre føresette.
- Song er ein god måte å formidle tru og er ein viktig del av den kristne kulturarven.
- Di stemme er den vakraste musikken for babyen din!
«Veldig glad over å se
hvor glad barnet mitt blir
og hvordan det koser seg
når vi er sammen med dere :)
Vi gleder oss til hver stund på babysang.
Vi setter sånn pris på babysang
og ønsker at flere skal få
den samme store gleden
som vi har hatt av dette tilbudet.»
(Hilsen en tidligere deltaker)
Våren 2025 har vi samlingar annakvar onsdag:
15.01., 29.01., 12.02., 26.02., 12.03., 26.03., 09.04., 23.04., 07.05. (sommeravslutning).
Samlingane har ei slik tidsinndeling:
- 09:50 - 10:00: registrering
- 10:00 - 10:45: musikkstund
- 10:45 - 11:30: lunsj (egen matpakke) og prat
Stad: Elnesvågen bedehus
Pris for alle 9 samlingane dette semesteret: 350 kr. Kan vippses når du kjem.
(Ta kontakt med oss dersom økonomi er ei utfordring, så finn vi ei løysing).
Vi stiller med kaffi/te og frukt.
Ta med eiga niste og ei babyteppe som babyen din er fortruleg med :-)
Meld dere på her om dere vil vere med: PÅMELDING
Har de ikkje moglegheit til å vere med alle gongene, eller er usikre om dette er "noko for dykk" og vil berre "sjå", kan de kome innom enkelte gonger. Gje gjerne beskjed på førehand, så vi veit at de kjem.
For kaffe/te og frukt ein enkel gong, kan du vippse 40 kr når du kjem.
Leiar for babysongen er Liane Schuldt - menighetspedagog i Myrbostad, Vågøy, Bud og Hustad.
Med på samlingane er ulike kirkemusikere og fantastiske frivillige som ordner med bevertningen.
Eventuelle spørsmål kan rettast til Liane på
mob. 47500377 eller e-post til liane.schuldt@hustadvikamenighet.no
Bli med i vår facebookgruppe "Babysang Elnesvågen", slik at de er heilt oppdaterte om når vi møtast (eller må avlyse ein sjelden gong pga sjukdom el.l.).
FOR BABYSANG PÅ EIDE BEDEHUS I EIDE: SJEKK UT FACEBOOKGRUPPA "Babysang på Eide" FOR MEIR INFORMASJON.
For barnet ditt er stemma di det vakraste i heile verda. Det betyr ingenting om du er flink til å synge eller føler at du er lite musikalsk.
Di stemme er den vakraste musikk. Så bli med og syng med barnet ditt!
